Tasirin Waƙoƙin Hausa kan Halayyar Matasa a Jihar Adamawa

Wannan bincike ya yi nazari kan yadda waƙoƙin Hausa ke shafar halayya da ɗabi'un matasa a Jihar Adamawa, tare da bincike kan ko waƙoƙi na inganta ko lalata halayya nagari. Waƙoƙin Hausa na zamani sun canza sosai sakamakon tasirin fasaha da intanet, kuma wannan canjin yana shafar ɗabi'un matasa. Binciken ya yi amfani da hanyar tattaunawa da matasa ɗalibai da malamai da iyaye a Jihar Adamawa. An tattara bayanai game da nau'ukan waƙoƙi da matasa suke sauraro, da kuma yadda suke nuna tasirin waɗannan waƙoƙi a rayuwarsu. Sakamakon ya nuna cewa matasa suna sauraron waƙoƙi mabambanta da suka haɗa da waƙoƙin soyayya da na addini da na siyasa, amma suna da sani wajen zaɓar abin da ya dace. Binciken ya gano cewa waƙoƙi masu kyau na taimaka wa matasa su tsara halayya mai kyau ta hanyar darussan da ke cikinsu, alhali waƙoƙi masu ɓata sun iya shafar matasa mara kyau. Wannan bincike yana ba da shawarwari ga iyaye da malamai da mawaka game da yadda za a yi amfani da waƙoƙi wajen inganta halayya nagari a tsakanin matasa. Kalmomin bincike: waƙa, matasa, halayya, ɗabi'u, Adamawa.