Kalmomin Larabci da Suka Shiga Harshen Hausa na Addini: Nazari a Jihar Yobe

Wannan bincike ya binciko kalmomin addinin musulunci na Larabci da suka shiga harshen Hausa, tare da yin nazari kan yadda ake amfani da su a mahallin addini a Jihar Yobe. Addinin musulunci ya kasance yana da tasiri mai ƙarfi a kan harshen Hausa musamman a arewacin Nijeriya, yana ƙara kalmomi da ra'ayoyi mabambanta. Binciken ya yi amfani da hanyar tattaunawa da shehunnan masallaci da malamai da ɗalibai a Jihar Yobe. An tattara kalmomin addinin musulunci da ake amfani da su a Hausa a masallatai da makarantun allo da kuma a gidaje. Sakamakon ya nuna cewa akwai kalmomin addini da suka fito daga Larabci fiye da ɗari biyu da ake amfani da su a harshen Hausa a Jihar Yobe. Binciken ya gano cewa wasu daga cikin waɗannan kalmomin sun canza sauti da ma'ana dan dacewa da tsarin harshen Hausa. Binciken ya kuma nuna cewa amfanin waɗannan kalmomin ya fi yawa a bakin masana addini fiye da matasa na gama-gari. Wannan bincike yana ba da gudummawa ga fahimtar alakar harshen Hausa da Larabci ta fuskar addini da tarihi. Kalmomin bincike: Larabci, addini, aro kalma, Hausa, Yobe.